Blues
Mwen pa chwazi, yo pa mandé mwen avan mwen vwè jou ki péyi mwen vlé! Es sé la dévenn ki té enmé mwen ki fè mwen lévé lwen o lwen o lwen?
Mwen pa chwazi yo pa mandé mwen avan mwen vwè jou ki péyi mwen vlé! Es sé mal mwen fè adan on dòt vi ki fè mwen lévé an péyi étranjé?
Mwen pa chwazi yo pa mandé mwen avan mwen vwè jou ki péyi mwen vlé! Es sé mové mwen mové konsa, ki fè mwen vwè jou an fwadi yo la?
Mwen pa chwazi yo pa mandé mwen avan mwen vwè jou ki péyi mwen vlé! Es sé gadédzafè ki désidé sa, fè mwen ay vwè jou an péyi a yo la?
Mwen pa chwazi yo pa mandé mwen avan mwen vwè jou ki péyi mwen vlé! Kriyé lé répondè, ay mandé vwazen ki moun ki savé pouki sa rivé mwen?
Mwen pa chwazi yo pa mandé mwen avan mwen vwè jou ki péyi mwen vlé! Kriyé lé vwazinaj, ay mandé tout moun ka mwen fè pou mwen mérité doulè la?
Mwen pa chwazi yo pa mandé mwen avan mwen vwè jou ki péyi mwen vlé!